Cuatri dîs di “Friuli Doc” a Udin

Dal 10 al 13 di Setembar, Udin e deventarà une altre volte une grande vetrine cun “Friuli Doc”, la grande fieste dal Friûl-Vignesie Julie. Par cuatri dîs, il centri de citât al sarà une altre volte plen di savôrs, musiche, culture, sports, tradizions, spetacui, degustazions, cercis, laboratoris e iniziativis par dutis lis gjenerazions. Plui di 33 mil metris cuadrats, passe un centenâr di 100 stand, uns trente placis e stradis tiradis dentri, cun plui di 70 plats tradizionâi, cuatri palcs di sene, plui di 40 events musicâi e almancul 150 artiscj, gjenerant jentradis stimadis in 10 milions di euros. La plui grande fieste di mangjâ e bevi de regjon e sarà screade joibe ai 10 aes cinc e mieze di dopomisdì te Place Libertât de ospite di onôr Licia Colò. (A.I.) – 09.09.2026