A son cuasi 12 mil lis firmis fatis in pôc dîs. La gnove petizion inviade une setemane indaûr cuintri dai disservizis tal traspuart dai fruts a scuele al dâ ancjemò plui fuarce aes segnalazions des fameis.
Tal apel gnûf inviât su change.org, Stefano Simeone pari di un student des Vals dal Nadison, al conte che so fi al scuen sveâsi aes 5.55 di matine par tornâ a cjase dome daspò des 2.40 dal dopomisdì. Cheste situazion e je lade in piês a pet di 35 agns indaûr, cuant che a doprâ la coriere par lâ a Udin al jere lui. Propit par chest al domande che lis corsis a sedin inmaneadis cun spietis plui curtis ae fin des lezions.
Criticitâts a rivuart des coincidencis a son stadis segnaladis no dome tal Friûl di mieç, ma ancje tes Vals dal Nadison, te Valcjanâl e tal Cjanâl dal Fier. (a.d.g.) – 23.09.2026
