La “Passion” di Bach pe memorie di une comunitât

La monumentâl “Passion daûr Zuan” di Johann Sebastian Bach e siere il program par memoreâ il cincuantesim aniversari dal taramot in Friûl, sabide ai 26 aes vot e mieze sot sere, te Plêf di S. Andree a Vençon. Chest event al à un grant valôr simbolic, là che la grande musiche sacre si instrece cu la memorie di une comunitât che e à sopuartât il dolôr dal disastri e lu à trasformât intun viaç di ricostruzion e rinassite. Componude tal 1724, la “Passion” e je une des oparis plui bielis dal repertori sacri di Bach. La partidure e sarà interpretade di sessante artiscj, metint dongje la Orchestre di Cjamare di Pordenon e la Coral regjonâl dal Friûl-Vignesie Julie, doprant struments origjinai e de ete baroche. Andrea Marchiol, diretôr di corâl de catedrâl di Vençon e musicist atîf a nivel internazionâl, al sarà il diretôr de rapresentazion. (A.I.) – 25.09.2026