Une buste cun dentri une palotule e je stade mandade cu la pueste ae sede di Triest de Cort dai conts di viâl Miramare a Triest. A cjatâ la bale e je stade une dirigjent che e à daurman clamât lis fuarcis dal ordin. La polizie di Stât e à inviât lis investigazions par capî se si trate di dal gjest di un scuilibrât, un fat che a Triest al è sucedût une vore di voltis o se invezit e je la volontât di spaventâ i judiçs.
E je rivade in pôc timp la solidarietât de politiche tacant dal assessôr regjonâl ae Sigurece Pierpaolo Roberti, daspò dal president dal Consei regjonâl Mauro Bordin e dai grups di Forza Italia, Movimento 5 Stelle, Fedriga presidente e dal Partito Democratico, sedi dal grup regjonâl sedi par vôs de onorevul Debrora Serracchiani che e à fevelât di un fat une vore grâf. (a.d.g.) – 22.09.2026
