34
La zovine stele de ASU-Associazion Sportive Udinese, Tara Dragaš, e je stade clamade pe tierce tape dal circuit di Cope dal Mont di gjinastiche ritmiche, in program a Baku in Azerbaizan, dai 19 ai 21 di Avrîl. Ancje se e à fat di pôc 17 agns, Tara no je gnove aes pedanis internazionâls: tal Jugn dal 2022, al so debut ai Campionâts europeans juniores di Tel Aviv, e veve cjapât un arint e cuasi ancje un bronç, rivant cuarte intune altre gare. Cualchi setemane indaûr e veve vinçût trê medaiis di aur ai Zûcs dal Mediterani te categorie junior. E cumò, ve une altre prove impuartante: vinars ai 19 e larà in pedane cul cercli e la bale, sabide cu lis macis e la curdele. (A.I.) – 16.04.2024
Foto di F. Carabelli
