Une gare di corse e passe pal stadi dal Udin

Domenie ai 8 di Jugn, e tache dal Città Fiera di Torean di Martignà la cuarte prove dal “Trofeo Friuli” pes categoriis Master, oms e feminis, de FIDAS e inmaneade de associazion “Maratonina Udinese” in colaborazion cu la Libertas Grions di Remanzâs, la Fidal dal F-Vj e il Comitât provinciâl de Libertas. Ideade di Manuel Burello doi agns indaûr, la trate di 9,3 km su la tiere e su lis stradis e previôt ancje di passâ dentri dal stadi dal Udin, il Bluenergy Stadium – une sielte za une vore preseade dai coridôrs te ultime edizion – prime di tocjâ il parc dal Cormôr e di passâ par Udin. (A.I.) – 06.06.2025