Supercope di balon dal ACLIF al Colorêt

E va ae scuadre dal Colorêt di Montalban, che e zuiave cuintri al Buri, la prime edizion de Supercope CrediFriuli-Aclif, inmaneade de Associazion Sportive Furlane. Intune biele curnîs di public e agonisim, la finâl di miercus di sere a Tarcint si è decidude dome ai tîrs di rigôr cui ponts finâi di 8-7, al tiermin di 90 minûts pençs che si son sierâts sul 0-0. La gare e à viodût il Colorêt fâ la partide e costruî lis ocasions plui netis dal incuintri. Intal cors dai timps regolamentârs, la formazion vincidore si è viodude fermâ prime de decision arbitrâl di anulâ une rêt par posizion di fûr zûc, po dopo dai lens cuntun pâl e tal ultin, de imprecision dal discut cuntun tîr di rigôr falât. (A.I.) – 24.09.2026