Record pe ‘Corse dai garofui’ a Lignan

Partecipazion di record pe cuarte edizion de “Corse dai garofui”, domenie passade a Lignan. Il travuart al è un gnûf record di partecipazion – ben 1.200 iscrits, in largje maiorance feminis – , ma il vêr risultât di insuazâ al rivuarde la solidarietât, parcè che il rigjâf de cuarte edizion al larà a poie de ativitât di prevenzion e di diagnosi precoce dai tumôrs, ufierte de Lilt di Udin. La Corse dai garofui e je tacade aes 9.30 di buinore di place Marcello d’Olivo, a Pinede. Doi i percors, di 5 e 9 chilometris, che a àn tocjât la rive e il cûr de citât. Premis speciâi pai grups plui numerôs e un garoful par dutis, ufiert de societât “Lignano Pineta” dal president Giorgio Ardito. (A.I.) – 17.04.2023