Colorêt – Buri: rimandade la finâl dal balon “di paîs”

Par vie dal brut timp, la prime edizion de Supercope “Credifriuli-ACLIF”, inmaneade de Assemblee de Comunitât Linguistiche Furlane adun cu la ASF, la associazion sportive furlane, e je stade rimandade. A sfidâsi, no miercus ai 9 ma ai 23 di Setembar, a saran il Colorêt (vincidôr de Cope Friûl) e il Buri (campion de Cope Regjon di Tierce Categorie), dutis e dôs za prontis par zuiâ il gnûf campionât te Seconde Categorie. Al è un trofeu che al met al centri i valôrs autentics dal balon di paîs: di là de Supercope, i vincidôrs si puartaran a cjase un persut crût Bagatto e 24 litris di bire artesanâl Furlan Beer par celebrâ cu la proprie comunitât. (A.I.) – 09.09.2026