Une des musis di “Mare fuori” a Sistiane

Cjantante, atore e muse cognossude pe serie Tv “Mare fuori”, Clara Soccini e je ospite vinars ai 30 li de Baia di Sistiana pe programazion serâl ae Base Circul Experience. Nassude a Varese intal 1999, dopo vê scomençât la cariere di modele, e à debutât intal mont de musiche intal 2020, e à scrit un toc ispirât a “Il tempo delle mele”, il cine innomenât cun protagoniste Sophie Marceau e, dopo vê firmât il so prin contrat discografic, e je jentrade tal grup di atôrs de tierce stagjon di “Mare fuori”, là che e interprete Julia, in art “Crazy J”, une ciniche “trapper” di Milan. (A.I.) – 29.06.2023