Un festival musicâl dedicât a Mozart e ai Colorêt

Il gnûf festival tematic “Hieronymus Colloredo. Podê, mecenatisim e musiche”, ideât e inmaneât de Associazion musicâl “Sergio Gaggia” di Cividât adun cu la Comunitât culinâr dal Friûl, e jentre tal vîf. In program al è dut un fin de setemane cun cinc events musicâi e teatrâi, ducj ospitâts tal cjistiel di Colorêt di Montalban. Al centri dal festival e je la relazion burascjose jenfri Wolfgang Amadeus Mozart, so pari Leopold e il lôr paron, il princip arcivescul Hieronymus Colloredo, un membri dal branc austriac de famee Colloredo-Valdsee. I protagoniscj dai spetacui a saran i musiciscj olandês Kaja Nowak, Tim Brackman, Floor Le Coultre e Anastasia Feruleva, che si cjataran adun in diviersis formazions adun cun Anna Serova e i furlans Nicola Bulfone e Andrea Rucli. Il prin apontament al è joibe ai 24 aes 8 e mieze sot sere, po dopo a saran altris concierts speciâi vinars ai 25 e domenie ai 27. (A.I.) – 23.09.2026