La orchestre Blanc e sune pe Crôs rosse

Pordenon al ospite une serade di musiche dedicade a chei che a dedichin il lôr timp, la lôr energjie e l’impegn a judâ chei altris. Joibe ai 24 aes 8 e 45 sot sere, il Teatri “Verdi” al ospite un conciert de Orchestre di arcs “Blanc”, promovût de Crôs rosse taliane – Comitât di Manià. Sul palc di sene, dongje de orchestre direte di Riccardo Pes, nassude in Val Tramontine, a saran Andrea Simone De Nicolò al piano e Francesca Koka al violin. Il program al cjape dentri compositôrs di epochis e stîi diferents, di Mozart a Schumann, di Massenet a composizions origjinâls di Pes. Il conciert al è pensât par ringraciâ i volontariis de Crôs rosse e, tal stes timp, par tirâ dongje dute la comunitât atot dai temis dal dâ, de solidarietât e de colaborazion. (A.I.) – 23.09.2026