I câs di Teresa Battaglia ancjemò zirâts in Friûl

In Friûl a van indevant lis ripresis de tierce stagjon de serie pe television “I casi di Teresa Battaglia”, prodote de Rai cu la poie de Friuli Venezia Giulia Film Commission – PromoTurismoFVG. Il regjist Kiko Rosati, la protagoniste Elena Sofia Ricci, adun cun Gianluca Gobbi e Giuseppe Spata e ducj chei altris atôrs, atoris e no dome, a son in vore za dai prins di Jugn: 38 in dut i dîs doprâts pes ripresis, dutis fatis in regjon, a Aquilee, Cividât, Udin e dulintor. Daspò di “Fiori sopra l’inferno” e “Ninfa dormiente”, ducj i doi zirâts in Friûl, “Figlia della cenere” al è il tierç cjapitul de storie zale gjavade dai libris di Ilaria Tuti, la preseade scritore di sucès nassude a Glemone. (A.I.) – 09.07.2025