L’assessôr regjonâl aes Infrastruturis e Teritori Cristina Amirante e à confermât che il bant che al previôt contribûts par intervents di eficientament energjetic al è stât viert ai 19 di Otubar, dilunc dal incuintri informatîf inmaneât îr sere inte Fiere di Pordenon de Regjon adun cu la societât Ls Engineering & Safety Sb di Pordenon.
“La ricualificazion energjetiche dai edificis e je une des sfidis plui impuartants pal nestri patrimoni residenziâl – e à sotlineât Amirante -.Une vore di cjasis a son stadis fatis su cuant che i standard di isolament e eficience dai implants a jerin une vore diferents di chei di vuê. Intervignî su chestis struturis al vûl dî miorâ il comfort, ridusi i consums e contribuî ae valorizazion dai imobii, cence fâ su gnûfs edificis”.
Il bant al è dedicât ai condominis che a vedin il codiç fiscâl e che a vedin almancul vot apartaments. Il contribût al podarà rivâ fintremai a 300 mil euros. (a.d.g.) – 29.10.2026
