Un zovin di 19 agns, gjeorgjian, al è stât arestât îr dopomisdì dai carabinîrs di Martignà cu la acuse di robarie tentade e ingriviade.
Il fat al è sucedût dilunc di un servizi di control cuintri dai reâts predatoris: i militârs a son intervignûts tal Centri comerciâl Città Fiera, indulà che l’om al è stât cjatât dal personâl assegnât ae vigjilance intant che al cirive di lâ fûr dal supermarcjât cuntune borse schermade plene di cosmetics dal valôr di plui o mancul 1.200 euros.
Il sogjet al è stât daurman blocat dai carabinîrs che a àn tornât indaûr la robe al supermarcjât intant che la borse schermade e je stade secuestrade. Il zovin daspò al è stât puartât inte cjamare di sigurece dal Comant provinciâl di Udin in spiete de udience di convalide fate vuê di matine. (a.d.g.) – 29.10.2026
