La liriche puartade tes scuelis, premi a Barbara Minghetti

Sabide ai 30 tal teatri “Verdi” di Pordenon, e cjaparà il premi “Pordenone Musica” pal so progjet ideât par svicinâ i zovins e lis zovinis di dutis lis scuelis ae opare liriche, fasint deventâ la educazion musicâl un progjet bon di formâ artiscj e gnovis gjenerazions di public. Dirigjente culturâl, za presidente e vuê diretore artistiche de Associazion liriche de Italie, Barbara Minghetti e à svilupât “Opera education”, deventât un model di educazion di nivel internazionâl, un moviment culturâl in vore a Pordenon di 18 agns e puartât aromai in 30 citâts talianis e ancje ator pal mont, vierzint gnovis stradis ae musiche liriche. (A.I.) – 29.10.2026