Sieradis 450 impresis di traspuart tai ultins 10 agns te nestre regjon

Intai ultins dîs agns a àn sierât inte nestre regjon 450 aziendis che a lavoravin tai traspuarts. E la situazion tal futûr no larà miôr par vie dal fat che i coscj a continuin a lâ su. Di fat, dal principi dal an, la mude intes autostradis e je cressude dal 1,5%, il presit dal gasoli dal 3,5%.

L’alarme al è stât dât de Cgia di Mestre che e à calcolât che lis impresis a paiaran doi mil euros in plui par un camion e dome pal gasoli tal 2026. I problemis a son ancje plui grivis se si ten cont des dificoltâts struturâls dal setôr, tacant dal ritart tai paiaments. Chescj doi fatôrs a son bogns di meti a risi la tignude finanziarie di cetantis impresis. (a.d.g.) – 16.02.2026