Abs – Acciaierie Bertoli Safau Spa, division Steelmaking dal Grup Danieli e à creât îr a Värnamo in Svezie, il gnûf centri di servizi de Abs Steel Nordic. Si trate di un invistiment che al segne une evoluzion strategjiche parcè che di produtôr di açâls speciâi cumò si trasforme in colaboradôr industriâl simpri plui dongje dal client, bon di integrâ intun lûc unic prodot, disponibilitât di materiâl, lavorazions, logjistiche e consulence metalurgjiche.
La viertidure dal Service center al complete il progjet pandût tal Novembar dal 2025 cu la nassite di Abs Steel Nordic, division dedicade al marcjât european dal nord e al conferme la volontât de aziende – come che si lei tal comunicât stampe – di cressi tai marcjâts plui atents a inovazion, sostignibilitât e cualitât dal servizi. (a.d.g.) – 17.09.2026
