Regjon al secont puest intal Nord Est par progjets inviâts cui bêçs dal Pnrr

da Alessandro Di Giusto

Friûl-Vignesie Julie al secont puest, daûr de Emilie-Romagne, inte realizazion dal Pnrr in graciis dal inviament di progjets par 366 milions di euros.

Il cuadri al è saltât fûr ae fin de cabine di Regjie de Regjon che e controle in particolâr i invistiments di 589 milions di euros che intune cui 640 milions pai Comuns, ai 41 pai Edr e ai 927 di altris ents, in particolâr la autoritât Portuâl, al puarte il totâl dai invistiments a 2,2 miliarts di euros. I numars a disin che intai Comuns capitâl la spese par ogni citadin e je di 2 mil euros a Triest, 1.400 plui o mancul a Udin e Gurize e 1.300 a Pordenon.

Intai centris plui grancj la spese par citadin e je di 2.100 euros, simile in pratiche a chê dai centris plui piçui. Une curiositât: Sauris al à une spese pro capite di 15 mil euros in graciis di 12 progjets par un totâl di 6,1 milions di euros, di chescj 9 leâts ae transazion energjetiche. I piçui Comuns a àn cjatât, di fat, un supuart impuartant intal personâl de Regjon. (a.d.g.) – 30.01.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui