Pront il bant pal fotovoltaic dedicât aes aziendis

Doman dopomisdì, ai 22 di Fevrâr, des 6 e un cuart aes 8 di sere, Confartigianato – Imprese Udine al à organizât un incuintri indulà che la Aministrazion regjonâl e sclarirà il bant Por/Fesr destinât aes impresis di manifaturis, comerciâls e dal setôr HoReCa che a vuelin dotâsi di implants di produzion di energjie verde.

A ilustrâ la oportunitât a saran l’assessôr regjonâl aes Ativitâts produtivis, Sergio Emidio Bini, e il diretôr centrâl aes ativitâts produtivis e turisim dal Friûl-Vignesie Julie, Magda Uliana. A introdusi l’incuintri, ospitât inte sede centrâl di Confartigianato in vie Del Pozzo 8, al sarà il president de associazion di categorie provinciâl e regjonâl, Graziano Tilatti. (A.D.G.) – 21.02.2023