Cul prin laboratori a Sauris e cul secont in program ai 26 di Avrîl a Darte, al jentre intal vîf “Green Tim Green Tourism in the mountains. Strategjiis pal turisim sostignibil”, il progjet Clld – Interreg Italie-Austrie che al vûl elaborâ strategjiis di disvilup sostignibil traviers percors partecipâts di inovazion sociâl e di animazion teritoriâl in cinc contescj teritoriâi di “destinazion” turistiche de Cjargne.
L’obietîf al è di cjapâ rêts di impresis e operadôrs dal setôr, par madressi cussiencis e ispirâ, sugjerî e tacâ misuris e azions in stât di tornâ a orientâ i flus dal turisim sostignibil e di ricognossi intal turist un motôr di valorizazion dal teritori.
I sogjets coinvolts a son il Consorzi di promozion turistiche de Valcjanâl, dal Pas Pramuel e di Nevee in cualitât di Lead Partner, la Comunitât di mont de Cjargne, la Cooperative Cramars di Tumieç e Nlw Tourismus Marketing GmbH di Hermagor. (A.D.G.) – 21.04.2023
