Citadinance onorarie di S. Zorç da la Richinvelde a Giannola e Benito Nonino

Il Consei comunâl di S. Zorç da la Richinvelde e il sindic Michele Leon îr a àn decidût di conferî la citadinance onorarie a Giannola e a Benito Nonino.

“Il motîf dal ricognossiment – al spieghe il sindic Leon – al sta tal lôr lavôr pe valorizazion dai prodots e dai distilâts dal Friûl, ma soredut inte istituzion dal Premi Risit d’Aur: in graciis di chest lavôr i Nonino a son stâts determinants par salvâ lis vîts autoctonis, deventant ambassadôrs de storie de nestre comunitât, massime inte frazion di Rossêt, capitâl dal risit de vît intal Mont”. (a.d.g.) – 14.03.2024