La Regjon Friûl Vignesie Julie e à tornât a vierzi il bant a pro dai citadins che a fasin une assicurazion cuintri dai dams atmosferics o leâts a disastris. La iniziative, promovude dal Conseîr regjonâl Mauro Di Bert, e je stade presentade vuê te sede de Regjon a Udin, dal assessôr regjonâl al patrimoni Sebastiano Callari che al à dit che “I events atmosferics e climatics a son simpri plui frecuents e a podin meti a risi il patrimoni des fameis.
Cun chest bant la Regjon e sosten i citadins che a sielzin di sigurâ la lôr cjase e a favoìs la difusion des sigurazions cuintri dai dams atmosferics e dai disastris. “Par chest bant – al à visât Callari – o vin metût a disposizion fintremai a 500 mil euros par un contribût sul premi di assicurazion, ma se al ves di coventâ o sin pronts a zontâ bêçs”. Il bant viert ai 6 di Lui al sierarà ai 30 di Zenâr dal 2027. (a.d.g.) – 15.07.2026
