Al va indenant il progjet par dismantelâ la centrâl a cjarbon di Monfalcon

da Alessandro Di Giusto

“Al va indenant l’iter che al permetarà il dismantelament de centrâl a cjarbon di Monfalcon, la creazion di un gnûf implant pe transizion energjetiche a cicli cumbinât cun idrogjen vert e il recupar ambientâl di chest sît industriâl impuartant. Un progjet straordenari di decarbonizazion che o stin puartant indenant insiemi cun A2a, Comun di Monfalcon, Autoritât di sisteme portuâl dal Mâr Adriatic Orientâl, Consorzi di disvilup economic de Vignesie Julie (Coseveg) e i progjetiscj coinvolts inte iniziative”.

Lu à dit l’assessôr ae Difese dal ambient Fabio Scoccimarro ae fin dai lavôrs de taule di concertazion previodude dal Acuardi atuatîf sotscrit ae fin di Avost dal 2023 de Regjon e di A2A Energiefuture. “Dute la iniziative e puartarà ae realizazion di un implant inovatîf a cicli cumbinât alimentât a gas, bon di rispietâ dal dut lis disposizions dal Plan nazionâl integrât pe energjie e il clime. O stin fevelant di un intervent tant spietât – al sotlinee Scoccimarro – che al garantirà un miorament net de eficience de centrâl e une riduzion significative des emissions di anidride carboniche”. (a.d.g.) – 15.02.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui