Plui impresis di costruzions, plui impresis dai servizis, in particolâr ativitâts professionâls, sientifichis e tecnichis, imobiliârs e finanziariis-assicurativis. In calâ lis impresis inte agriculture, inte fabriche e intal cumierç. In Friûl-Vignesie Julie lis impresis a cressin dal 0,34% intal 2023 (331 impresis in plui) e i dâts a segnin in cressite, o in dut câs stabii, ducj i teritoris: Triest plui 1,59% (plui 249 impresis intal an), Gurize plui 0,54% (plui 52), Pordenon plui 0,09% (plui 22), Udin plui 0,02% (plui 8). Intal Nord Est lis impresis a àn regjistrât un plui 0,47% a pet dal 2022 (cun Trentin-Sudtirol plui 1,02% e Venit plui 0,49%), in Italie in medie a cressin dal 0,70%.
“Intun senari economic caraterizât di inflazion, tensions gjeopolitichis cressintis su plui fronts e cambiaments tecnologjics tant svelts, il numar 2023 pes impresis dal F-Vj al reste duncje positîf”, al comente il president de Cciaa Pn-Ud Giovanni Da Pozzo, che al evidenzie in dut câs tant che chest andament nol sedi palês però in ducj i ambits di ativitât: di fat, la plui part des 331 impresis regjistradis in plui intai ultins dodis mês e opare dome in doi setôrs, o sedi lis costruzions e, tra i servizis, lis ativitâts professionâls, sientifichis e tecnichis.
Chestis a son lis evidencis che a vegnin fûr dai dâts InfoCamere sul andament de demografie des impresis intal 2023; il focus pal Friûl-Vignesie Julie al è stât elaborât dal Centri Studis de Cjamare di Cumierç di Pordenon-Udin. (a.d.g.) – 22.01.2024
