La mont dal Friûl-Vignesie Julie e regjistre pal cuart an di seguit un salt positîf tra iscrizions e cessazions di imprese.
Il dât al salte fûr de Analisi economiche da la mont dal F-Vj dal Centro Studi de Cjamare di cumierç Pordenon-Udin, su la fonde dai dâts Istat e Infocamere. Ai 31 di Dicembar dal 2024 lis impresis regjistradis a jerin 5.018, cuntune cressite dal 0,9%.
La tindince positive e va cuintri dal cuadri demografic: tai 58 comuns montans la popolazion si è sbassade di 63.371 a 59.865 residents tra il 2019 e il 2025, cuntune pierdite dal 5,5% a pet dal 1,3 % de regjon. A tignî sù la cressite a son stâts soredut i servizis che a àn regjistrât la variazion plui alte (plui 5,5%). A vegnin daûr lis costruzions (plui 1,6%). Stabil il setôr primari, ma a son in câl il cumierç, la industrie, la ospitalitât e la ristorazion che, dut câs, a pesin cuasi il dopli a pet de medie regjonâl (17,1% cuintri dal 9,4%). (a.d.g.) – 15.12.2025
