Un omaç a Mirko Basaldella te sô citât

Un omaç de citât di Udin a Mirko Basaldella e a une des oparis plui impuartantis de art taliane de seconde metât dal vincjesim secul. Martars ai 7, aes 6 di dopomisdì, te sale Ajace dal Palaç “D’Aronco”, al sarà presentât il libri “L’arte per la storia. Mirko Basaldella alle Fosse Ardeatine”, publicât diForum Editrice. Prime dal event, aes cinc e mieze, e je in program une visite te jentrade de Cjase Cavazzini, dulà che al è in mostre il model dal famôs porton monumentâl de Fosse Ardeatine, creât di Mirko Basaldella e donât al Museu di Art Moderne e Contemporanie di Udin. Il libri al scomence cul grant puarton di bronç creât par l’artist udinês tai prins agns Cincuante pal lûc dulà che ai 24 di Març dal 1944 al fo un maçalizi di 335 personis, copadis dai militars todescs de SS tant in svindic pe azion partigjane te Via Rasella. Un soiâr artistic e civic che al continue a interogâ chei che lu traviersin, mudant il dolôr de storie intune memorie condividude. (A.I.) – 06.07.2026