Pordenonelegge.it: numars in cressite pe culture

La riunion dai azioniscj de Fondazion Pordenonelegge.it e à confermât in mût unanim la aministrazion in dismission, che e continuarà a jessi vuidade di Michelangelo Agrusti fint al 2029. Il belanç dal 2025 al à confermât il sucès des iniziativis culturâls ufiertis, cuntune cifre une vore impuartante: par ogni euro public invistût pal festival, l’efiet economic dai bêçs tornâts indaûr al è stât di 11,27 euros. Ancje l’impat economic gjenerât cu lis ativitâts di comunicazion al è incressût in maniere significative e dal 2023 passe 600 mil personis a àn partecipât ai events culturâi inmaneâts in regjon. La Fondazion e je stade un pont di riferiment pal assessorât ae Culture de Regjon pes iniziativis di GO!2025, la capitâl europeane da culture, ma ancje dongje di altris aministrazions comunâls e à curât lis rassegnis leteraris tant che il Premi Hemingway a Lignan, “Geografie” a Monfalcon e “Vie dei Libri” a Tumieç. (A.I.) – 21.04.2026