Palme, la citât ideâl

Une gnove edizion dal festival “La città ideale”, La citât ideâl, e scomence joibe ai 24 a Palme, inmaneade de aministrazion comunâl sot la direzion artistiche di Renzo Furlano. L’event al promôf il pinsîr critic, la inclusion e la cussience civiche, metint dongje dialics publics, conferencis, incuintris interdissiplinârs e spetacui teatrâi e musicâi ator dal teme da citât ideâl. Il program al cjape dentri ospits prestigjôs: par esempli Marco Damilano, che al cjaparà il premi pe cariere sabide ai 26, Gad Lerner, Gherardo Colombo, Carlo Cottarelli, Paola Caridi e Mario Cucinella tal dì di viertidure, intun program che al cjape dentri 28 events in dut. Il cûr dal event, “La citât ideâl e la cognossince”, si davuelç dai 24 ai 27 di Setembar tal Teatri “Modena”, là che la jentrade e je libare cence sore nuie e cence dibisugne di notâsi. (A.I.) – 21.09.2026