Mittelyoung: a Cividât mai cussì tantis domandis

da Andrea Ioime

No son mai stadis cussì tantis: a son 250 lis domandis rivadis a Cividât par partecipâ ae cuarte edizion di “Mittelyoung”, il palc di “Mittelfest” risiervât ae gnove zoventût europeane artistiche, che al larà in sene dai 16 ai 18 di Lui. Si è a pene sierade, di fat, la clamade internazionâl dedicade a artiscj e grups sot dai 30 agns che aromai a cjatin in “Mittelyoung” un travuart impuartant e un pont par tacâ a svolâ su la sene internazionâl. A son 250, cuasi il 50% in plui a pet dal 2023, lis candidaturis rivadis di 27 Paîs, no dome de Mitteleurope, ma ancje di plui lontan. Il lavôr al passe daurman al grup dai “curatores”, che a valutaran cuasi 100 propuestis di teatri e di danze, plui di 50 di musiche e une ventine di circ par formâ il cartelon di Mittelyoung 2024. (A.I.) – 21.02.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui