La mostre di Tubaro a Vile Manin e je stade un sucès

Dai 25 di Otubar dal 2025 ai 15 di Març dal 2026, ben 13.538 visitadôrs a àn visitât la mostre “Intonare la realtà” dedicade a Renzo Tubaro, a Vile Manin di Passarian, tal centenâr de nassite dal artist furlan. Un risultât significatîf che al conferme l’interès dal public par un progjet di mostre che al met in evidence une figure centrâl te culture artistiche furlane dal vincjesim secul. La mostre e esplorave lis trê areis principâls di produzion dal artist: la piture sul cavalet, ospitade tal edifici principâl de vile, i afrescs, che si cjatin ator pes glesiis dal Friûl intun itinerari sielt a pueste, e lis oparis di dissen, metudis in mostre te barchesse orientâl de Vile Manin. (A.I.) – 01.04.2026