19
La art contemporanie e rive a Monfalcon vinars ai 2 aes 11 di buinore tal MuCa, il museu dai cantîrs, cun la seconde mostre dal progjet “Questa volta metti in scena… L’AURORA”. La mostre “Il tacco di Achille”, inmaneade de associazion culturâl Opera Viva in colaborazion cul comun di Monfalcon, e ufrîs une esplorazion inovative de relazion jenfri umanitât e ambient, jenfri identitât e vulnerabilitât. La curadore Lorenza Matic e à sielzût trê artiscj contemporanis – Carmine Calvanese, Paolo Ferluga e Hari Bertoja – che a saran metûts in esposizion tes salis dal museu dongje des oparis di Vito Timmel, il pont di partence ideâl pe mostre. (A.I.) – 01.10.2026
