Cuarp e anime in 4 mês di concierts

Fin ta Dicembar, 17 events a traviersaran il Livence e i teritoris dongje, instreçant musiche, teatri, art, ricercje e la valorizazion ai lûcs. Al cûr de edizion dal 2026 dal “Altolivenzafestival” e je la conession jenfri cuarp e anime, un teme che al viodarà un program che al va dal repertori baroc ae musiche contemporanie, de danze ae cjançon di autôr, des grandis orchestris ae dimension plui intime de musiche di cjamare. Cul titul “Cuarp e anime”, la cincuantesime seconde edizion dal festival, che si siere ai 30 di Dicembar cul tradizionâl Conciert di Nadâl te Glesie di Sante Luzie a Prate, e cjape dentri events in comuns e lûcs diferents in dute la zone. Chest festival difondût al va indevant vinars ai 2 tal Teatri di Pasian cul conciert “Anime svelate” (Animis disveladis), cun Tania Lorenzo, Anna Fusek, il Sestier Armonico e Giulio De Nardo; sabide ai 3 a Prate cu la scree te Torate Civiche de mostre “L’invisibile visibile”, vierte fint ai 18 di Otubar, e domenie ai 4 tal Teatri Pileo il conciert di Soojin Choi in compagnie de Academie di arcs “Arrigoni”. (A.I.) – 01.10.2026