33
A jerin rivâts par meti sù un condizionadôr di aiar, ma ae fin a àn fat ancje i laris. Cualchi dî indaûr une siore e veve denunziât ai carabinîrs de stazion di Cividât la robarie dal so bancomat e dal codiç Pin, sucedude il dî prime dentri cjase juste cuant che a jerin jentrâts doi tecnics di une dite incargâts di meti sù un condizionadôr di aiar.
I carabinîrs daspò vê analizadis lis telecjamaris di control dal teritori e dai bancomat indulà che a jerin stâts tirâts fûr 1.600 euros in dôs voltis, a àn rivât a scuvierzi che i laris a jerin juste i doi operaris che a vivin in Friûl, che cuintri di lôr e je stade fate une denunzie par robarie. (a.d.g.) – 30.09.2026
