Brilante operazion dai carabinîrs dal Nucli radiomobile e de stazion di Cjampfuarmit che a àn arestât, vie pe gnot passade, doi laris ache e vevin tor de une cirût di jentrâ dentri di un apartament tal centri di Udin. Il proprietari si è inacuart dai rumôrs e al à daurman clamât il 112 tant sul puest a son rivadis daurman dôs patuliis. I carabinîrs in pôcs minûts a àn intercetât e blocât doi citadins gjeorgjians di 36 e 34 agns.
Intor i doi laris a vevin une torce eletriche, cierts rimandei e 2 mil euros in contants. Daspò i carabinîrs a àn fate une percuisizion te cjase indulà che a jerin a stâ i doi gjeorgjians e dentri a àn cjatât altris rimandei, clâfs, une smeriliadore e altris argagns doprâts par duplicâ clâfs, dute robe metude sot secuestri.
I doi oms a son stâts arestats e puartâts intese cjamaris di sigurece dal Comant provinciâl di Udin in spiete de udience di convalide dal arest che si è tignude vuê di matine. (a.d.g.) – 29.09.2026
