Un escyursionist di 52 agns, che al è a sta in provincie di belun al è stat socrût vuê tra il misdì e la une e trê cuarts, a plui o mancul doi mil metris di cuote , dilunc de ferade taliane su la mont Mangart, tal teritori di Tarvis daspò che si jere sintût mal.
I siei compagns di escursion a àn clamat dauman il 112 che al à mandat sul puest l’elicotar cul tecnic dal socors alpin e il miedi. L’om al è stat tirât sù cu la binte e paurtat fin li dal cjamp base preparât dongje dai lâts di Fusine, indulà che al è stat visitat e daspò puartat cul elisocors tal ospedal di Udin par altris aciertaments.
La Sores e à ativât la stazion dal Socors alpin di Raibl, la Vuardie di finance e tal cjamp base e je stade mandade ancje une ambulance. (a.d.g.) – 01.10.2026
