Marcjepîts metûts a gnûf indulà cjaminâ cence problemis e cence tocjâ I pins. I lavôrs di ricualificazion di vie Albona a Udin, indulà che cun 300 mil euros a son eliminâts i problemis provocâts des lidrîs e par garantî sigurece ai pedons e aes autos a son finîts.
A da la gnove al è stât Ivano Marchiol, assessôr comunâl ai lavôrs publics: “La soluzion facil, fate tal passât, e sarès stade di taiâ vie i arbui, ma no o ven sielzût une altre strade parcè che chês plantis a jerin in salût”. Il cantîr al jere stât inviât ai 23 di març di chest an e par tutelâ i pins al è stât doprât il sisteme Cupolex: “O vin cun chest sisteme – al à visat Marchiol – preparât un spazi sot tiere che al permeti aes lidrîs di respirâ e cressi cence fiscâ il plan”.
A son stâts fats marcjepîts plui grancj, che a fasin passâ la ploie e cence barieris architetonichis, metût a puest l’asfalt e dut il rest, preparant ancje i cablis pe iluminazion gnove. Fra no tant a saran tirats vie i pâi vecjos e metûts chei gnûfs”. (a.d.g.) – 01.10.2026
