Art tal parc dal Lusinç cun Aeson

Un percors metût adun cun formis diferentis di art, musiche e valorizazion dal teritori al cjape forme tai paisaçs evocatîfs dal flum Lusinç. Dai 22 ai 25 di Lui il festival “Aeson” al torne tal parc di dal Lusinç di Flumisel Vile Visentine. Cheste fieste e je deventade un dai events plui impuartants de “land art”, la art de tiere, une forme contemporanie che e dopre materiâi naturâi par creâ oparis. A trasformâ chescj elements in oparis mestri al è il grup Aeson, fat di une dozene di artiscj regjonâi atîfs te zone, sot la direzion artistiche di Devid Strussiat e Simone Paulin. La diesime otave edizion e previôt cuatri dîs di nature, art e visions, cun artiscj, musiciscj e interpretis di dut il mont, cun plui di 30 spetacui, instalazions di land art, concierts, spetacui, lûs tal bosc e iniziativis dedicadis ai fruts. Si tache daurman cu la presentazion dai lavôrs di art, par cure di Simone Pauli. (A.I.) – 20.07.2026