A Milan si fevele di poetis e artiscj dal F-Vj

Une grande vetrine a Milan pe poesie dal Friûl-Vignesie Julie si vierç lunis ai 17 li de Librarie Bocca te galarie Vittorio Emanuele II, inte suaze dal cartelon di incuintris e dialics “Un viaggio da fare 2025”, promovût dal assessorât ae Culture de Regjon pe direzion artistiche di Massimiliano Finazzer Flory e la cure organizative de Fondazion Pordenonelegge. L’incuintri al ufrirà la ocasion par aprofondî cualchi avigniment espositîf promovût intai ultins mês, in colegament cui avigniments di GO!2025, a scomençâ de mostre “Ungaretti poeta e soldato”. Al centri dal event a son tantis vôs de poesie furlane, di Pier Paolo Pasolini a Pre Turoldo, fint a Pierluigi Cappello. Daspò dal incuintri a saran inmaneâts altris dialics dedicâts ai artiscj Tullio Crali, Zoran Mušič e Leonor Fini, dai 26 di Fevrâr in mostre tal Palaç Reâl. (A.I.) – 17.02.2025