Simpri plui controi dilunc de Çumpiel-Secuals

L’acuardi firmât de Prefeture di Pordenon, de Regjon F-Vj, dai sindics di Vile di Flum, S. Zorç da la Richinvelde, Secuals, Spilimberc, Voleson Darzin e Çopule e de sezion de Polizie stradâl di Pordenon al previôt che dilunc de strade a sedin fats simpri plui controi. Dut chest in spiete dai cuatri autovelox fis che a saran metûts in vore prime de fin di chest mês. I prins controi a son bielzà tacâts. (a.d.g.) – 15.03.2024