Ai 9 di Zenâr a son tornâts a tacâ i lavôrs ae scuele primarie di Çumpiel: il Comun di Flum Venit al à cjatât cu la dite apaltadore un acuardi che al previôt la ultimazion dal intervent dentri dal prossim ai 31 di Març e il ricognossiment dai dams patîts dal ent.
Dal an scolastic prossim i students a varan a disposizion un edifici ristruturât e rinfuarçât. L’invistiment complessîf, dopo il stanziament par fâ front al aument dai presits, al è di 780 mil euros cuviert par 540 mil euros cun fonts regjonâi e 240 mil euros cun risorsis dal belanç comunâl.
“I lavôrs di adeguament sismic e eficientament energjetic che a vevin di finî la Vierte passade – al declare il sindic Jessica Canton -, a son stâts cuietâts prime de dificoltât intal cjatâ i materiâi, dopo dal mancjât rispiet dai tiermins contratuâi de bande de dite. O vin cjatât un acuardi che al permetarà la conclusion dai lavôrs dentri dai 31 di Març, di là dal ricognossiment di dams patîts dal Comun cun plui lavorazions di fâ. Viodude la impuartance dal ples scolastic di Çumpiel pe nestre comunitât, o sin sodisfats che chescj lavôrs a puedin lâ indenant – al conclût il sindic – e e va ricognossude la costance de aministrazion intal volê rivâ a un risultât impuartant, cundut des dificoltâts de situazion”. (A.D.G.) – 10.01.2023
