Une auto dopo ve sbandât dilunc di une curve, forsit par vie dal asfalt slichignot, dopo jessi lade su che altre corsie e si è dade cuintri di une machine che e rivave di che altre bande.
Ae vuide des dôs machinis un zovin di 19 agns di Cordenons e un zovin di 29 agns. Une des dôs machinis par vie dal bot e je lade a finî su la piste ciclabile bande de strade. Sul puest a son rivâts i sanitaris dal 118 cuntune auto mediche, ambulance e l’elicotar e i Vigjii dal fûc.
L’om di 29 agns al jere in cundizions griviis par vie di cetancj traumis tal cjâf, ancje se al jere cussient e al è stât puartât daurman cul elicotar tal ospedâl di Udin. No si è fat nuie chel altri vuidadôr, scoltât dai poliziots de Stradâl, rivâts sul puest. (a.d.g.) – 26.11.2025
