Il prin tren ibrit al è daûr a partî ancje in regjon

Al rive ancje in Friûl-Vignesie Julie il prin tren ibrit “Blues” de Regionale di Trenitalia, societât principâl dal Polo Passeggeri dal grup FS Italiane. Il gnûf tren, progjetât e costruît di Hitachi Rail, al è stât presentât martars inte stazion di Triest centrâl. I trens ibrits a triple alimentazion, undis in totâl, a jentraran in funzion su dute la rêt regjonâl dopo il periodi necessari di pre-esercizi, stant che a son compatibii a plen sedi cu lis liniis eletrificadis che cun chês no eletrificadis. La introduzion dal Blues e jentre intal grant plan di invistiments complessîfs, par plui o mancul 400 milions di euros, finalizât par miorâ la ufierte di servizis a pro dai pendolârs. Un plan che al cjape dentri plui di 270 milions di euros pal rinovament de flote. (A.I.) – 28.03.2023