Il Cjars al bruse ancjemò

Al à tornât a cjapâ fuarce il fûc a Sant Michêl dal Cjars. Tal dopomisdì di îr, miercus ai 27 di Lui, al è sclopât un gnûf front di fûc che, compliç l’aiar, si è slargjât menaçant lis cjasis. Il fugaron al à tocjât la aree jenfri la statâl 55 dal Valon, in localitât Devetachi, e la Mont Brestovec. Il Sindic di Savogne, Luca Pisk, aes 3 di gnot e à disponût la evacuazion di plui o mancul 200 residents di Sant Michêl, zone plui vicine al bosc. Lis personis a àn passât la gnot inte palestre comunâl. Al cricâ dal dì, la situazion e sta lant in miôr cun bielzà in azion doi Canadair e altris mieçs aeris. Sul puest a son impegnâts lis Vuardiis dal fûc cun 10 machinis, il Cuarp Forestâl regjonâl e i volontaris de Protezion civîl. (V.V.) – 28.07.2022