Denunziât a Tarcint un zovin par spaç di droghe

I carabinîrs de stazion di Tarcint a àn denunziât un zovin di 21 agns pal reât di detenzion di droghe cul fin dal spaç e residence a Uficiâl public.

Vie pe gnot dai 17 di Setembar une patulie lu veve cjatât intant che al lave ator cuntun fâ suspiet dongje di un esercizi public, tal centri di Tarcint. Cuant che si è inacuart de presince dai carabinîrs, il zovin al à cirût di scjampâ, ma al è stât cjapât in pôc timp.

A chel pont il fantat al à cirût di no fâsi controlâ fasint resistence. Blocât dai militârs al è stât percuisît: intor al veve un pacut di mieç gram di cocaine e 205 euros in contants, che si pense al sedi il vuadagn de ativitât di spaç.

Droghe e bêçs a son stâts secuestrâts. (a.d.g.) – 22.09.2026