I agjents de Polizie di Stât de Cuesture di Udin e dal Repart Prevenzion Crimin “Emilia Romagna Occidentale”, adun cuntune unitât cinofile de Polizie Locâl di Udin, intal dopomisdì e vie pe sere di îr, ai 17 di Otubar, a àn fat un servizi straordenari di control dal teritori, finalizât ae repression dal consum e spaç di droghe e dai reâts in gjenar, inte zone dal Parc Moretti.
Intant, atris agjents des Volanti de Cuesture a concentravin i controi inte zone de autostazion, ancje par verificâ la eventuâl presince di citadins forescj clandestins.
Intal cors de zornade a son stadis identificadis 242 personis, 71 di chês al Parc Moretti, e controlâts 62 veicui; cjatâts doi clandestins che a àn domandât protezion internazionâl. Denunziade ae Autoritât judiziarie une citadine taliane, multade ancje parcè cjoche e par resistence a uficiâl public. (ADG) – 19.10.2022
