Controi a plen dai carabinîrs, ritiradis siet patentis di vuide

Schirie di controi dai carabinîrs tal Friûl Ocidentâl, indulà che in dîs dîs a son stadis ritiradis siet patentis a int cjatade ae vuide cjoche o intosseade de droghe.

A son stâts denunziâts ae procure di Pordenon un om di 47 di Tei, un di 26 agns di Prate, un di 33 di Brugnere, un di 59 agns di Vile di Flum, un di 18 agns di Claut e par finî un di 73 agns di S. Quarin.

A Cjanive un om di 37 agns che al jere stât puartât tal ospedâl daspò che al veve vût un incident al è stât cjatât positîf a mariuane e extasy. (a.d,.g.) – 23.10.2025