Prime udience, îr in Tribunâl a Pordenon, dal procès par difamazion che e rivuarde la Kronospan di S. Vît dal Tiliment. Sul banc lis dôs puartevôs dal Comitât Abc che si bat cuintri l’ampliament dal sît industriâl.
La societât, rapresentade dal avocat Maurizio Miculan, e à domandât un risarciment di 600 mil euros pai dams morâi e di imagjin patîts par vie dai post tai social e dai articui publicâts dal Comitât intai ultins agns, che a contignaressin atacs e acusis infondadis. La Kronospan e à decidût za che, se e ves di vinci la cause, i bêçs otignûts a laran in beneficence.
Lis dôs imputadis, difindudis dal avocat Luca Ponti, a disin di vê dome cjapât sù i fats za displeâts dai documents prodots de stesse Kronospan e contignûts intes istancis ae Regjon e di vê esercitât il libar dirit di manifestazion dal pinsîr.
La prossime udience e je previodude pe fin dal mês di Fevrâr dal 2023. (ADG) – 26.11.2022
195
1 coment
Al somèe, cheste cause da Kronospan un clâr segnâl di intimidazion no dome pal comitât ABC, ma par ducj i comitâts che a scombatin su plui fronts cuintri dal savoltament dal Friûl..