Aghe di no podê doprâ cundut des ripetudis operazions di pulizie. Al è ce che al sucêt in cualchi vie di Adorgnan di Tresesin dulà che i condots dal acuedot a son vecjos ancje di mieç secul e i citadins a menacin di no paiâ lis boletis.
Il probleme al vâ indaûr al 2017 e in maniere periodiche al torne dongje pes fameis residentis in vie Pennato e in altris zonis dal paîs. A sclarî il fastidi dai residents e je Francesca Abelli, che e à scrit plui voltis al Cafc e al Comun: “Une analisi che o vin comissionade e à dimostrât une fuarte presince di fier. Lavâsi e bevi cheste aghe, a dispiet des operazions di pulizie de bande dal Cafc, al devente dificil”. Cun dut de pazience dimostrade i residents a son orientâts a no paiâ lis boletis.
L’unic mût par risolvi il probleme al è la sostituzion dai condots. Il Cafc al sclarìs che il probleme al è leât aes condotis vecjis di 50 agns, ereditadis dai Comuns e al conferme che e je in progjetazion il rifasiment di une part de rêt di vie Pennato e i lavôrs a son stâts metûts intal plan dai intervents, tant che za fat in vie Garzoni, vie Garbian e vie San Giuseppe in localitât Paludaria. L’obietîf al è chel di meti a puest lis tubazions dentri dal 2023. (A.D.G.) – 02.09.2022
