Esperts di dute Italie a Udin par fevelâ di risi sismic

Plui di 400 esperts, tra gjeofisics, sismolics, vulcanolics e inzegnîrs rivâts di dute Italie si son cjatâts vuê a Udin pal cuarantesim cuart congrès talian dal Grup nazionâl pe gjeofisiche de tiere solide, che al larà indenant fintremai doman.

L’event al è stât inmaneât te suaze dal cincuantesim aniversari dal taramot e al à metût al centri de discussion prevenzion, inovazion e gjestion dai risis naturâi. (a.d.g.) – 12.02.2026